尖沙咀太空漫遊打卡餐廳

尖沙咀太空漫遊打卡餐廳 一間會令你「嘩」一聲嘅餐廳，一出𨋢就有個打卡位，入到去餐廳就見到好多星空卡座！真係勁靚！ 一心諗住影星空位，點知原來Full 咗，咁啱朋友仔未到，就問吓如果有人走可唔可以轉過去，以為今晚會失望而回，又好好彩有枱情侶咁啱食完，Yeah！職員即刻幫我安排轉位，即刻開心晒😂 主菜我哋叫咗「西西里紅蝦手工幼蛋麵」$388 接近手掌咁大嘅紅蝦肉彈牙鮮甜，紅蝦膏勁多，很濃郁，配上依家十分之流行嘅手工幼蛋麵，蛋麵同蝦膏混合後，獨有嘅蝦膏味更加突出。我哋掛住影相，就算之後凍咗都好好味！ 鍾意食牛嘅一定要叫「炭燒澳洲M5和牛西冷扒伴法式手工薯蓉」$368 雖然賣相無乜特別，但和牛西冷扒質素很高，油脂分布均衡，肉味香濃，而且帶有濃郁嘅炭燒香味，係近期食過優質嘅牛扒之一。香滑手工薯蓉也不要錯過。 我哋仲叫咗「意大利黑松露薯條」$108 黑松露薯條香脆可口即叫即炸，上枱feel到箇中熱辣辣嘅感覺。配上濃郁嘅黑松露醬，Happy Hour 最佳送酒小食！ 另外我哋點咗兩杯招牌嘅無酒精雞尾酒 Saturn 就係一杯果汁比例重嘅飲品，菠蘿味同埋熱情果味十足，好適合夏日炎熱天氣飲用。不過甜咗少少。 Asterold 係一杯好清新嘅飲品杯裏面有一篇好薄嘅青瓜，令到感覺更加清新配上薄荷葉接骨木花同埋蝶豆花香味，好fresh ! 想影星空座位記得打電話訂座時問清楚啊！ 當晚見到好多人慶祝生日呢！ Starò 尖沙咀諾士佛臺1號9樓 @staro.knutsford #staro#星空 #hkinfluencer #打卡餐廳 #打卡 #hkkol #hkigers #topcitybiteshk #香港美食 #尖沙咀美食 #美食推薦 #生日飯 #慶祝生日 #浪漫餐廳 #求婚 #hkfoodies #綺麗 #foodieshk #探店 #網紅推薦 #香港探店